Sama húfan, betri tónlist 20. júlí 2004 00:01 Ég skal alveg viðurkenna það að Badly Drawn Boy hefur aldrei verið í neinu uppáhaldi hjá mér til þessa. Svo eftir að ég hafði rennt þessari plötu hans einu sinni í gegn var ég alveg hissa hversu lítið ég mundi eftir af henni. Hún bara rann í gegn, jafn þægilega og lækjarniður í sveitinni án þess að maður gæfi henni neinn sérstakan gaum. Eins og þeir þekkja sem búa í sveitinni þá verður lækjaniðurinn svo mikilvægur hluti af tilveru þeirra. Get nú kannski ekki alveg sagt það sama um þessa plötu, en hún náði svo sannarlega að nálgast mig á réttan hátt. Rólega, og þægilega eins og köttur sem vill bara láta strjúka sér. Ég lét undan og renndi fingrum mínum eftir loðnum felldi Badly Drawn Boy og við urðum bara nokkuð vinalegir. Á One Plus One is One sýnir kappinn á sér nokkrar hliðar. Hann fer dýpra ofan í þjóðlagahefðina en hann hefur gert áður en gleymir ekki að semja grípandi lög. Hikar ekki við að nota banjó, harmonikur, flautur eða önnur lífræn hljóðfæri. Píanóið er mjög áberandi á plötunni. Þá er spilað á það eins og er gert á barnum, ekki eins og í ballöðunum. Badly Drawn Boy er hæfileikaríkur köttur og gott ef hann hljómar ekki bara nokkuð hamingjusamur á þessari plötu. Lífið hefur líka leikið við hann frá því að frumraun hans, The Hour of the Bewilderbeast, kom út fyrir fjórum árum síðan. Þá var hann trúbadúr sem fann ekki alveg sinn stað, en í dag er hann atvinnutónlistarmaður og vel virtur í heimalandinu. Enda er hann álíka jafn breskur og fiskur með kartöflum. Þessi nýjasta afurð Badly Drawn Boy inniheldur allt það besta sem ég hef heyrt frá lopahúfumanninum loðna. Birgir Örn Steinarsson Badly Drawn Boy: One Plus One is One Tónlist Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Mikið um dýrðir á þjóðardegi Íslands í Japan Lífið Sydney Sweeney selur sápu úr skítugu baðvatni sínu Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Ég skal alveg viðurkenna það að Badly Drawn Boy hefur aldrei verið í neinu uppáhaldi hjá mér til þessa. Svo eftir að ég hafði rennt þessari plötu hans einu sinni í gegn var ég alveg hissa hversu lítið ég mundi eftir af henni. Hún bara rann í gegn, jafn þægilega og lækjarniður í sveitinni án þess að maður gæfi henni neinn sérstakan gaum. Eins og þeir þekkja sem búa í sveitinni þá verður lækjaniðurinn svo mikilvægur hluti af tilveru þeirra. Get nú kannski ekki alveg sagt það sama um þessa plötu, en hún náði svo sannarlega að nálgast mig á réttan hátt. Rólega, og þægilega eins og köttur sem vill bara láta strjúka sér. Ég lét undan og renndi fingrum mínum eftir loðnum felldi Badly Drawn Boy og við urðum bara nokkuð vinalegir. Á One Plus One is One sýnir kappinn á sér nokkrar hliðar. Hann fer dýpra ofan í þjóðlagahefðina en hann hefur gert áður en gleymir ekki að semja grípandi lög. Hikar ekki við að nota banjó, harmonikur, flautur eða önnur lífræn hljóðfæri. Píanóið er mjög áberandi á plötunni. Þá er spilað á það eins og er gert á barnum, ekki eins og í ballöðunum. Badly Drawn Boy er hæfileikaríkur köttur og gott ef hann hljómar ekki bara nokkuð hamingjusamur á þessari plötu. Lífið hefur líka leikið við hann frá því að frumraun hans, The Hour of the Bewilderbeast, kom út fyrir fjórum árum síðan. Þá var hann trúbadúr sem fann ekki alveg sinn stað, en í dag er hann atvinnutónlistarmaður og vel virtur í heimalandinu. Enda er hann álíka jafn breskur og fiskur með kartöflum. Þessi nýjasta afurð Badly Drawn Boy inniheldur allt það besta sem ég hef heyrt frá lopahúfumanninum loðna. Birgir Örn Steinarsson Badly Drawn Boy: One Plus One is One
Tónlist Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Mikið um dýrðir á þjóðardegi Íslands í Japan Lífið Sydney Sweeney selur sápu úr skítugu baðvatni sínu Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira