Starfsfólk fylgir foringjunum

Nánustu samstarfsmenn Davíðs Oddssonar munu fylgja honum úr stjórnarráðinu við Lækjargötu í utanríkisráðuneytið við Rauðarárstíg þegar forystumenn stjórnarflokkanna hafa stólaskipti í dag. Sömu sögu er að segja um nánustu samverkamenn Hallldórs Ásgrímssonar. Illugi Gunnarsson, aðstoðarmaður Davíðs, Albert Jónsson skrifstofustjóri, Kristján Andri Stefánsson skrifstofustjóri, Margrét Hilmisdóttir ritari og Jón Árnason bílstjóri flytja sig öll um set og verða í starfsliði Davíðs í utanríkisráðuneytinu. Ólafur Davíðsson ráðuneytisstjóri fer einnig til starfa í hið nýja ráðuneyti Davíðs en hann verður sendiherra í Berlín. Halldór Ásgrímsson sagði í gær að ekki hefði verið ráðið í sendiherrastarfið. Björn Ingi Hrafnsson fylgir Halldóri úr utanríkisráðuneytinu og verður aðstoðarmaður hans í forsætisráðuneytinu og sama máli gegnir um bílstjóra hans og ritara. Þá tekur Bergdís Ellertsdóttir sendiherra við starfi í forsætisráðuneytinu og verður Halldóri til ráðuneytis um utanríkismál. "Ég legg mikla áherslu á góða samvinnu forsætis- og utanríkisráðuneytisins", sagði Halldór í gær.