Yfirtaka hjá Baugi?

Vangaveltur eru um það í bresku viðskiptalífi að Baugur stefni að yfirtöku í bresku verslunarkeðjunni Big Food Group, en fregnir ytra herma að breska fyrirtækið eigi þegar í viðræðum um hugsanlegt tilboð. Baugur á þegar rúmlega 22 prósent í Big Food, sem rekur 936 verslanir undir heitinu, Iceland, Booker og Woodward, á Englandi, Skotlandi og á Írlandi. Rúmlega 30 þúsund manns starfs fyrir keðjuna, sem velti á síðasta ári sem samsvarar um 710 milljörðum króna. Baugur Group seldi nýlega allan hlut sinn í skosku verslanakeðjunni House of Fraser, en félagið átti 10,1% hlut í félaginu. Íslenska fyrirtækið á einnig meirihluta í Karen Millen tískufatakeðjunni.