Hækkuðu boð sitt verulega

Samningarnefnd sveitarfélaga setti fram hugmyndir að lausn kjaradeilu kennara í síðustu viku sem gerðu ráð fyrir talsvert meiri kostnaðaraukningu fyrir sveitarfélögin en sem nam tilboði þeirra þegar verkfallið hófst, segir Birgir Björn Sigurjónsson, formaður samninganefndar sveitarfélaga. "Við vorum í þeirri góðu trú að við gætum hugsanlega verið að setja út lendingarbúnaðinn fyrir nýjum kjarasamningi og vildum þess vegna leggja sérstaklega á," segir Birgir Björn. "Við vorum að tefla á tæpasta vað bæði með okkar launastefnu og það fjárhagslega olnbogarými sem við höfum."