Landslagið í Massachussetts 2. nóvember 2004 00:01 Það er mikill munur á pólitíska landslaginu í Massachussetts annars vegar og nágrannafylkinu New Hampshire hins vegar. Í því fyrrnefnda myndu demókratar vinna þótt þeir biðu fram blindan bavíana en í New Hampshire hefur gjarnan verið mjótt á munum og þar hafa kjósendur meiri tilhneigingu til að kjósa repúblikana heldur en í nágrannafylkjunum. Munurinn á nágrannafylkjunum tveimur er líka nokkuð sláandi. Í Massachussetts er forræðishyggjan nokkuð landlæg. Áfengisbúðir eru lokaðar á sunnudögum, sígarettupakki kostar um fjögur hundruð og hvergi má reykja, veitingastaðir eru opnir stutt og margir þeirra hafa ekki vínveitingaleyfi. Í New Hampshire virðist einstkalingsfrelsi í hærri vegum haft. Kjörorð fylkisins er "Live free or die" – og er það áletrað á allar númeraplötur á bílum. Og það er mikill munur á því hversu varir menn verða við kosningabaráttuna í þessum tveimur fylkjum. Í Massachussetts er löngu ljóst að Kerry vinnur en í New Hampshire er hnífjafnt. Kerry heimsótti Manchester í New Hampshire í dag. Á leiðinni þangað uppeftir mátti sjá að þar er baráttan hörð. Við annað hvert hús mátti sjá skilti með áróðri fyrir Kerry og við hitt var skilti til stuðnings Bush. Tugir þúsunda mættu þremur tímum fyrir fundinn til þess að berja frambjóðandann augum og komust færri að en vildu. Áður en Kerry steig á stokk töluðu nokkrir demókratar úr bænum og fylkinu um mannkosti Kerry og eigið ágæti, enda margir í framboði. Kerry kom svo upp á sviðið ásamt helstu máttarstólpum Boston Red Sox hafnarboltaliðsins sem mærðu frambjóðandann áður en hann tók sjálfur til máls. Kerry fer nú um allar trissur íklæddur forláta gulri úlpu sem gerir að verkum að auðvelt er að þekkja hann jafnvel af löngu færi. Þetta er ágætt fyrir áhorfendur þótt efast megi um að öryggisverðirnir, sem allir eru með hvíta þræði í eyranu og tala í sendi í erminni – rétt eins og í bíómyndunum, hafi verið eins ánægðir. Kerry er eflaust farinn að þreytast og mátti heyra þess merki á nokkrum stöðum í ræðunni. En hann náði samt sem áður að skila ágætlega kraftmikilli frammistöðu við mikinn fögnuð tilheyrenda. Kerry gerði grín að Bush – sérstaklega fyrir það hvernig hann lagði áherslu á það í kappræðum að forsetastarfið væri mikil erfiðisvinna. "Ég er tilbúinn og spenntur að leysa Bush undan þessu oki," sagði Kerry við mikinn fögnuð mannskarans. Kerry nýtir sér nú óspart gleði íbúa Norðausturhluta Bandaríkjanna yfir hafnarboltasigrinum og gekk meira að segja svo langt á fundinum í dag að gefa í skyn að hann hefði sjálfur átt heiður af því að núverandi eigendur hafi fengið að kaupa Red Sox klúbbinn fyrir nokkrum árum. Þegar kosningafundurinn leystist upp og demókratarnir héldu til síns heima mætti þeim skari af repúblikönum sem létu þá óspart heyra það. Repúblikanarnir voru margir klæddir í bandarísku fánalitunum og gerðu hróp að demókrötum sem svöruðu í sömu mynt. Næsti sólarhringur gerir gæfumuninn í kosningabaráttunni. Skoðanakannanir sýna að frambjóðendurnir eru nánast jafnir, en Bush þó víðast með örlítið forskot. Í mikilvægum fylkjum hefur gæfan snúist Kerry í vil. Í Flórída er nánast jafnt og Kerry sums staðar með örlítið forskot. Í Ohio hefur Bush sótt á Kerry og þar er nú nánast jafnt. Í Pennsylvaniu er Bush búinn að vinna upp forskot Kerry en í Michigan virðist spilið vera tapað fyrir forsetann. Ef ekki er gert ráð fyrir neinu stórkostlega óvænt á þriðjudaginn gæti það dugað Kerry að vinna þrjú af þeim fylkjum þar sem harðast er barist. Ef hann vinnur Ohio, Michigan og Wisconsin er hann kominn í Hvíta húsið. Ef hann hins vegar missir Pennsylvaníu og Bush heldur Flórída þá er endurkjörið í höfn. Kerry og Bush verða á þönum fram að því að kjörstaðir loka á þriðjudag. Þá kemur Kerry hingað til Boston þar sem hann kýs og heldur veislu fyrir stuðningsmenn sína og fylgist með hvernig talningin fer. Bush mun halda til Texas þar sem hann bíður sömu frétta. Á báðum stöðum má reikna með því að líf verði í tuskunum þótt á öðrum staðnum verði grátið en á hinum fagnað. Forsetakosningar í Bandaríkjunum Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent „Manneskja sem er komin á þetta plan hlýtur að vera rökþrota“ Innlent Sagði foreldrana líklega hafa dottið í aðdraganda andlátsins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Fleiri fréttir Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Sjá meira
Það er mikill munur á pólitíska landslaginu í Massachussetts annars vegar og nágrannafylkinu New Hampshire hins vegar. Í því fyrrnefnda myndu demókratar vinna þótt þeir biðu fram blindan bavíana en í New Hampshire hefur gjarnan verið mjótt á munum og þar hafa kjósendur meiri tilhneigingu til að kjósa repúblikana heldur en í nágrannafylkjunum. Munurinn á nágrannafylkjunum tveimur er líka nokkuð sláandi. Í Massachussetts er forræðishyggjan nokkuð landlæg. Áfengisbúðir eru lokaðar á sunnudögum, sígarettupakki kostar um fjögur hundruð og hvergi má reykja, veitingastaðir eru opnir stutt og margir þeirra hafa ekki vínveitingaleyfi. Í New Hampshire virðist einstkalingsfrelsi í hærri vegum haft. Kjörorð fylkisins er "Live free or die" – og er það áletrað á allar númeraplötur á bílum. Og það er mikill munur á því hversu varir menn verða við kosningabaráttuna í þessum tveimur fylkjum. Í Massachussetts er löngu ljóst að Kerry vinnur en í New Hampshire er hnífjafnt. Kerry heimsótti Manchester í New Hampshire í dag. Á leiðinni þangað uppeftir mátti sjá að þar er baráttan hörð. Við annað hvert hús mátti sjá skilti með áróðri fyrir Kerry og við hitt var skilti til stuðnings Bush. Tugir þúsunda mættu þremur tímum fyrir fundinn til þess að berja frambjóðandann augum og komust færri að en vildu. Áður en Kerry steig á stokk töluðu nokkrir demókratar úr bænum og fylkinu um mannkosti Kerry og eigið ágæti, enda margir í framboði. Kerry kom svo upp á sviðið ásamt helstu máttarstólpum Boston Red Sox hafnarboltaliðsins sem mærðu frambjóðandann áður en hann tók sjálfur til máls. Kerry fer nú um allar trissur íklæddur forláta gulri úlpu sem gerir að verkum að auðvelt er að þekkja hann jafnvel af löngu færi. Þetta er ágætt fyrir áhorfendur þótt efast megi um að öryggisverðirnir, sem allir eru með hvíta þræði í eyranu og tala í sendi í erminni – rétt eins og í bíómyndunum, hafi verið eins ánægðir. Kerry er eflaust farinn að þreytast og mátti heyra þess merki á nokkrum stöðum í ræðunni. En hann náði samt sem áður að skila ágætlega kraftmikilli frammistöðu við mikinn fögnuð tilheyrenda. Kerry gerði grín að Bush – sérstaklega fyrir það hvernig hann lagði áherslu á það í kappræðum að forsetastarfið væri mikil erfiðisvinna. "Ég er tilbúinn og spenntur að leysa Bush undan þessu oki," sagði Kerry við mikinn fögnuð mannskarans. Kerry nýtir sér nú óspart gleði íbúa Norðausturhluta Bandaríkjanna yfir hafnarboltasigrinum og gekk meira að segja svo langt á fundinum í dag að gefa í skyn að hann hefði sjálfur átt heiður af því að núverandi eigendur hafi fengið að kaupa Red Sox klúbbinn fyrir nokkrum árum. Þegar kosningafundurinn leystist upp og demókratarnir héldu til síns heima mætti þeim skari af repúblikönum sem létu þá óspart heyra það. Repúblikanarnir voru margir klæddir í bandarísku fánalitunum og gerðu hróp að demókrötum sem svöruðu í sömu mynt. Næsti sólarhringur gerir gæfumuninn í kosningabaráttunni. Skoðanakannanir sýna að frambjóðendurnir eru nánast jafnir, en Bush þó víðast með örlítið forskot. Í mikilvægum fylkjum hefur gæfan snúist Kerry í vil. Í Flórída er nánast jafnt og Kerry sums staðar með örlítið forskot. Í Ohio hefur Bush sótt á Kerry og þar er nú nánast jafnt. Í Pennsylvaniu er Bush búinn að vinna upp forskot Kerry en í Michigan virðist spilið vera tapað fyrir forsetann. Ef ekki er gert ráð fyrir neinu stórkostlega óvænt á þriðjudaginn gæti það dugað Kerry að vinna þrjú af þeim fylkjum þar sem harðast er barist. Ef hann vinnur Ohio, Michigan og Wisconsin er hann kominn í Hvíta húsið. Ef hann hins vegar missir Pennsylvaníu og Bush heldur Flórída þá er endurkjörið í höfn. Kerry og Bush verða á þönum fram að því að kjörstaðir loka á þriðjudag. Þá kemur Kerry hingað til Boston þar sem hann kýs og heldur veislu fyrir stuðningsmenn sína og fylgist með hvernig talningin fer. Bush mun halda til Texas þar sem hann bíður sömu frétta. Á báðum stöðum má reikna með því að líf verði í tuskunum þótt á öðrum staðnum verði grátið en á hinum fagnað.
Forsetakosningar í Bandaríkjunum Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent „Manneskja sem er komin á þetta plan hlýtur að vera rökþrota“ Innlent Sagði foreldrana líklega hafa dottið í aðdraganda andlátsins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Fleiri fréttir Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Sjá meira