Ljósastjörnur

Á haustin og fram að jólum nýta margir tímann í að dytta að heima fyrir, mála eða breyta og gera fínt. Í versluninni Í húsinu fást ljósastjörnur í alls kyns útfærslum sem lýsa upp heimilið í svartasta skammdeginu. Earth friendly starlightz heita þessi ljós og er nafn ljósanna dregið af því að það er leitast við að fara sem umhverfisvænasta leið í framleiðslu þeirra, þau eru öll handgerð og úr náttúrulegum efnum. Það eru yfirleitt framleiddar tvær línur yfir árið hjá Earth friendly starlightz, sumarlína og vetrarlína. Núna er jólavertíðin framundan og jólalínan er mjög glæsileg, rauði liturinn er ríkjandi en gulli og hvítu er blandað passlega með. Jólastjörnurnar eru að berast í verslunina Í húsinu um þessar mundir. Stjörnurnar kosta frá kr. 1.990 til kr. 2.990 kr.