Hamborgarhryggur vinsælastur
Hamborgarhryggur verður vinsælasti jólamaturinn í ár og ætlar liðlega helmingur landsmanna að hafa hann í matinn á aðfangadagskvöld, samkvæmt skoðanakönnun Gallups. Lambasteik er í örðu sæti en langt á eftir Hamborgarhryggnum, því tæp tíu prósent ætla að borða lambasteik. Næst koma svínasteik, kalkúnn og hangikjöt, en tæp þrjú prósent ætla að borða rjúpur, og þá væntanlega innfluttar.
