Gæsluvarðhald vegna smygls á fólki

Karl og kona, bæði ættuð frá Eþíópíu, og Eþíópíumaður sem var fylgdarmaður þeirra með fullgilt sænskt vegabréf, voru í gær úrskurðuð í gæsluvarðhand vegna gruns um að fylgdarmaðurinn hafi ætlað að smygla hinum tveimur til Bandaríkjanna. Þau voru bæði með sænsk vegabréf sem að öllum líkindum eru stolin eða fölsuð. Fólkið hafði viðkomu hér á leið sinni vestur um haf en vegabréf þess vakti athygli löggæslumanna. Talið er að ferðalag fólksins tengist alþjóðlegum glæpahring sem stundar smygl á fólki.