Willy's-jeppar langflottastir 18. mars 2005 00:01 "Ég er forfallinn áhugamaður um gamla Willy´s-jeppa," segir Jón Karl. "Það eru allir með einhverja bilun og misjafnt hvar hún liggur. Þetta er bilunin hjá mér!" Hann kveðst hafa keypt eldri bílinn, Willy´s CJ 2A, frá Ameríku árið 1992 eftir að hafa séð hann á mynd í svarthvítu blaði. Þegar búið hafi verið að sandblása hann hafi eiginlega ekkert verið eftir nema sparsl. "Það þurfti að endurnýja allt í honum nema grindina, hvalbakinn og grillið og þetta var mikið bras og dýrt. Það þarf mikla þrjósku og úthald í svona verk," segir Jón Karl. Hann kveðst alltaf hafa miðað við að komast á jeppanum á þjóðhátíðina á Þingvöllum 1994 sem síðan hefur gengið undir nafninu "þjóðvegahátíðin". Það slapp. Jeppinn komst á götuna klukkan 16.30 þann 16. júní. "Ég fór snemma á Þingvöll á þjóðhátíðardaginn og jeppinn var eins og einn af sýningargripunum á staðnum," rifjar Jón Karl upp. Hann segir jeppann í fínu lagi enn og nú bara notaðan kringum sumarbústaðinn austur í sveitum. Það er líka saga kringum nýrri jeppann. "Fyrsti bíllinn sem ég eignaðist var ´53 módel af Willy´s sem ég keypti af föður mínum 1968 þegar ég var 18 ára og þótti hann þá þegar fornlegur," segir Jón Karl og heldur áfram. "Ég seldi hann en var svo gefið hræ af eins bíl fyrir þremur árum, Willy´s CJ3B með toppventlavél. Ég fór í að rífa hann í sundur og er kominn langt með að gera hann eins og nýjan með góðra manna hjálp. Hann verður "original" grænn eins og sá sem ég átti fyrst." Jón Karl viðurkennir að þetta sé dýrt hobbí. Sérstaklega fyrir mann sem geri lítið sjálfur og kaupi mikla vinnu. "Það er samt margt verra," segir hann til réttlætingar. "Maður gæti verið á börunum og þá með móral daginn eftir. Þetta hefur aðeins minni eftirköst því maður reynir að gleyma útgjöldunum og talar ekki mikið um þau heima fyrir!" Hann segir bílana báða vera þriggja gíra, með 4 cylindra vélar. "Maður fer mest í 65-70 kílómetra hraða en þetta eru liprir og skemmtilegir bílar. Flottir í sveitinni. Willy´s-jepparnir eru merkilegir því þeir tóku við af hestunum á sínum tíma og komu okkur inn í nútímann."Jón Karl með fjölskylduna um borð í Willy´s 1948 árgerð í sumarsælunni. Bílar Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Ég er forfallinn áhugamaður um gamla Willy´s-jeppa," segir Jón Karl. "Það eru allir með einhverja bilun og misjafnt hvar hún liggur. Þetta er bilunin hjá mér!" Hann kveðst hafa keypt eldri bílinn, Willy´s CJ 2A, frá Ameríku árið 1992 eftir að hafa séð hann á mynd í svarthvítu blaði. Þegar búið hafi verið að sandblása hann hafi eiginlega ekkert verið eftir nema sparsl. "Það þurfti að endurnýja allt í honum nema grindina, hvalbakinn og grillið og þetta var mikið bras og dýrt. Það þarf mikla þrjósku og úthald í svona verk," segir Jón Karl. Hann kveðst alltaf hafa miðað við að komast á jeppanum á þjóðhátíðina á Þingvöllum 1994 sem síðan hefur gengið undir nafninu "þjóðvegahátíðin". Það slapp. Jeppinn komst á götuna klukkan 16.30 þann 16. júní. "Ég fór snemma á Þingvöll á þjóðhátíðardaginn og jeppinn var eins og einn af sýningargripunum á staðnum," rifjar Jón Karl upp. Hann segir jeppann í fínu lagi enn og nú bara notaðan kringum sumarbústaðinn austur í sveitum. Það er líka saga kringum nýrri jeppann. "Fyrsti bíllinn sem ég eignaðist var ´53 módel af Willy´s sem ég keypti af föður mínum 1968 þegar ég var 18 ára og þótti hann þá þegar fornlegur," segir Jón Karl og heldur áfram. "Ég seldi hann en var svo gefið hræ af eins bíl fyrir þremur árum, Willy´s CJ3B með toppventlavél. Ég fór í að rífa hann í sundur og er kominn langt með að gera hann eins og nýjan með góðra manna hjálp. Hann verður "original" grænn eins og sá sem ég átti fyrst." Jón Karl viðurkennir að þetta sé dýrt hobbí. Sérstaklega fyrir mann sem geri lítið sjálfur og kaupi mikla vinnu. "Það er samt margt verra," segir hann til réttlætingar. "Maður gæti verið á börunum og þá með móral daginn eftir. Þetta hefur aðeins minni eftirköst því maður reynir að gleyma útgjöldunum og talar ekki mikið um þau heima fyrir!" Hann segir bílana báða vera þriggja gíra, með 4 cylindra vélar. "Maður fer mest í 65-70 kílómetra hraða en þetta eru liprir og skemmtilegir bílar. Flottir í sveitinni. Willy´s-jepparnir eru merkilegir því þeir tóku við af hestunum á sínum tíma og komu okkur inn í nútímann."Jón Karl með fjölskylduna um borð í Willy´s 1948 árgerð í sumarsælunni.
Bílar Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira