Menn fái umbun starfi þeir áfram

Auðun Georg Ólafsson sat ekki fréttafund með fréttamönnum á fréttastofu Útvarps klukkan hálfníu. Hann hitti hins vegar fréttamenn klukkan hálftíu til að gera grein fyrir stöðu mála. Þar sagði hann að hann skildi að þeir sem ekki treystu honum vildu hætta störfum en bauðst til að gera vel við þá sem vildu verða áfram. Sagt var frá því í fréttum Ríkisútvarpsins klukkan tíu að Bogi Ágústsson, forstöðumaður fréttasviðs, myndi bera ritstjórnarlega ábyrgð næstu vikurnar á meðan Auðun kynnist vinnustaðnum. Fréttamenn hyggjast fjölmenna á þingpalla nú klukkan ellefu til að láta í ljós andstöðu sína við ráðningu Auðuns Georgs í starf fréttastjóra.