Fimm með kannabis og amfetamín

Sjö grömm af amfetamíni og einn bútur af hassi náðist af fimm manns sem lögreglan í Hafnarfirði stöðvaði í bifreið í bítið í gærmorgun. Lögreglan gerði húsleit hjá tveimur úr bifreiðinni í Hafnarfirði í kjölfarið. Hún fann óunnið kannabis sem vó 21 gramm í umbúðum í öðru þeirra og sex grömm af amfetamíni í hinu. Fólkið er á ólíkum aldri. Það var á leið í eftirpartí eftir skemmtanahald í miðbænum. Það var ekki byrjað að neyta efnanna. Þau voru yfirheyrð, þeim síðan sleppt og telst málið upplýst.