Skemmdi þrjá bíla með ofsaakstri

Háskaakstri ölvaðs ökumanns í Reykjavík í nótt lauk með því tveir lögreglubílar og bíll ökumannsins eyðilögðust og fjórir voru fluttir á slysadeild til aðhlynningar og rannsóknar en enginn var þó alvarlega slasaður. Þegar lögreglumenn sáu bíllinn á ofsahraða á Reykjanesbraut kom í ljós að ökumaðurinn var sá sami og tekinn hafði verið á sama bíl fyrr um nóttina vegna ölvunaraksturs en sleppt aftur. Vinkona hans hafði fengið að taka bílinn. Hann sinnti engum stöðvunarmerkjum og ók ítrekað yfir gatnamót á ofsahraða á móti rauðu ljósi og stefndi þannig lífi og limum samborgaranna í hættu. Við hringtorgið við Rauðavatn ók hann beint á lögreglubíl sem sat þar fyrir honnum með blikkandi ljós. Af honum bakkaði hann á annan lögreglubíl, sem var kominn á vettvang, og síðan aftur á bak og áfram á þá á víxl uns bíllinn gat ekki meir. Maðurinn gistir nú fangageymslur en kranabílar þurfti til að fjarlægja bíl hans og báða lögreglubílana.