Kærður fyrir kverkatak

Þingfest var fyrir Héraðsdómi Reykjavíkur í gær mál Lögreglustjórans í Reykjavík á hendur Jóni Trausta Lútherssyni fyrir líkamsárás. Honum er gefið að sök að hafa miðvikudaginn 20. október síðastliðinn ráðist á starfsmann DV á skrifstofu blaðsins í Reykjavík. Jón Trausti er sagður hafa tekið starfsmanninn kverkataki og hert að með þeim afleiðingum að manninum sortnaði fyrir augum, auk þess sem hann hruflaðist og marðist á hálsi. Brotið er talið varða við 217. grein almennra hegningarlaga. Dómari í málinu er Símon Sigvaldason.