Lithái sendur til Þýskalands

Hæstiréttur staðfesti í vikunni úrskurð Héraðsdóms Reykjavíkur um að framselja bæri litháískan mann til Þýskalands. Hingað kom maðurinn með Norrænu í byrjun mars. Litháanum er gefið að sök að hafa með öðrum flutt fjögur kíló af amfetamíni frá Litháen til Þýskalands, en þar hafði verið gefin út handtökuskipun á hendur honum. "Á grundvelli hennar var hann svo eftirlýstur á Schengen-svæðinu," segir Friðbjörn Garðarsson, skipaður réttargæslumaður mannsins. Maðurinn hélt fram sakleysi sínu og sagðist hingað kominn til að heimsækja vin sinn, en með í för var sambýliskona mannsins.