Dalsmynnisdómur stendur

Hæstiréttur staðfesti í gær dóm Héraðsdóms um að maður og kona greiði Hundaræktinni Dalsmynni samtals um 730 þúsund krónur fyrir fimm hunda sem þau keyptu í ársbyrjun árið 2002, alla af Chihuahua-smáhundategund, einn hund og fjórar tíkur. Hæstiréttur tekur hins vegar fram í dómnum að aðfinnsluvert sé hvernig skýrslutaka fyrir héraðsdómi hafi farið úr böndum, en í endurritum skýrslna sé að finna samtöl og deilur sem ekki eigi þar heima og héraðsdómari hefði átt að gæta betur að.