Líkið talið vera af Íslendingi

Lík af karlmanni, sem talinn er vera Íslendingur, fannst í tunnu fullri af steinsteypu í húsagarði í Boksburg í Suður-Afríku í vikunni. Mbl.is greinir frá þessu. Að sögn suður-afrískra fjölmiðla er talið að um sé að ræða mann sem hafði búið undanfarinn áratug þar í landi en hvarf fyrir um fimm vikum. Formleg kennsl hafa ekki verið borin á líkið. Karlmaður og kona hafa verið handtekin, grunuð um morð. Utanríkisráðuneytið hér á landi hefur leitað upplýsinga frá lögreglu í Suður-Afríku vegna frétta af málinu.