Mikið brottfall í inntökupróf

Aðeins 51 umsækjandi af alls 140 sem sóttu um skólavist í Lögregluskóla ríkisins á næsta ári verða boðaðir til viðtals fyrir valnefnd en sú nefnd mun velja þá 32 hæfustu úr til að hefja nám árið 2006. Ástæða mikils brottfalls eru margar. Talsverður hópur uppfyllti ekki lágmarks inntökuskilyrði og af þeim er það gerðu létu tæplega 50 ekki sjá sig þegar prófin voru svo þreytt. Tóku því aðeins 76 einstaklingar prófin en 25 féllu úr hópnum að þeim afstöðnum.