Dó áfengisdauða í höndum lögreglu

Ungur ökumaður, sem lögreglan á Akranesi stöðvaði vegna ölvunaraksturs í fyrrinótt, var svo drukkinn að hann dó áfengisdauða í höndum lögreglunnar sem varð að halda á honum eins og kornabarni inn í fangageymslurnar þar sem hann svaf úr sér vímuna framundir hádegi í gær. Annar ölvaður ökumaður ók niður tvo ljósastaura á Reykjanesbraut í Kópavogi í gærmorgun en slapp lítið meiddur þótt bíll hans sé ónýtur. Átta voru teknir fyrir ölvunarakstur í Hafnarfirði um helgina sem er óvenju mikið þar í bæ. Einn þeira hafði ekið utan í bíl og stungið af.