Ráðherra skipar stýrihóp

 Stýrihópur hefur verið skipaður sem vinna á að forathugun á hönnun hafnar í Bakkafjöru og forhönnun hennar eftir atvikum. Sturla Böðvarsson samgönguráðherra skipaði hópinn í samræmi við niðurstöðu skýrslu starfshóps um samgöngur við Vestmannaeyjar. Þar er lögð til frekari könnun á ferju milli Heimaeyjar og Bakkafjöru sem verði meginsamgönguæð milli lands og Eyja.

Miðað er við að stýrihópurinn taki strax til starfa og geri tímaáætlun um verkið. Ef jákvæðar niðurstöður fást úr forathuguninni mun ný ferja hefja siglingar árið 2010.