Glæsilegur fimm manna hópur

„Þetta er glæsilegur fimm manna hópur sem leiðir listann,“ segir Ingibjörg Sólrún og að það sé jákvætt hve mikil breidd sé í hópnum en úrslitin séu ekki mjög óvænt. „Gunnar er vel að sigrinum kominn og hann hefur unnið mikið og fórnfúst starf fyrir flokkinn.“

Þegar Ingibjörg er spurð um rýran hlut Valdimars Leós, sitjandi þingmanns, segir hún alltaf ákveðin vonbrigði þegar þingmenn ná ekki sætinu sínu aftur. „Þess ber hins vegar að geta að Valdimar kom inn sem varamaður fyrir Guðmund Árna og því má segja að hann sé í annarri stöðu en ef hann hefði verið í öruggu þingsæti.“