Landnámssetrið verðlaunað

Landnámssetur Íslands hlaut Nýsköpunarverðlaun Samtaka ferðaþjónustunnar í gær fyrir vel útfærðar og vandaðar sýningar sem efla ímynd Íslands og eru til þess fallnar að efla ferðaþjónustu allan ársins hring.

Í tengslum við safnið er unnið með sögu landsins með leiksýningum, sögumönnum, námskeiðum og hlöðnum vörðum á helstu sögustöðum Egils sögu og víðar.

Tæknin er vel nýtt á sýningunum meðal annars með leiðsögn með lófatölvum.

Nýsköpunarverðlaunin voru afhent við athöfn á Hótel Holti.