Rán í Hafnarfirði

Rán var framið um eitt leitið í dag á skrifstofum Bónusvídeó í Hafnarfirði. Tveir menn eru taldir koma við sögu. Einn hefur verið handtekinn en annar komst undan á bíl.

Maðurinn sem er í haldi fór inn á skrifstofur Bónusvídeó og veittist að tveimur konum sem þar voru inni með ofbeldi og kýldi þær. Stal hann síðan peningum og braut glugga á annarri hæð, sem hann stökk út um á meðan hinn beið í bílnum. Tveir vegfarendur sem urðu vitni að ráninu náðu að stoppa þann sem inn fór og halda honum niðri þar til lögreglan kom á staðinn. Sá sem í bílnum beið stakk svo af án ránsfengsins og er enn ófundinn. Ekki er talið að konurnar tvær séu alvarlega slasaðar.