Kaupþing banki selur hlut í Exista

Kaupþing banki hefur selt 6,1% hlut í Exista til alls níu lífeyrissjóða á Íslandi. Þessi hluti samsvarar um 30% af heildareign bankans í félaginu. Þetta kemur fram á fréttavef KB banka. Við söluna innleysir bankinn um 5,7 milljarða á þriðja ársfjóðungi og er salan á hlutunum liður í ferli sem miðar að gera eignarhlut bankans í Exista óverulegan. Kaupþing banki hyggst jafnframt selja hluti í Exista til fagfjárfesta í tengslum við skráningu Exista í Kauphöll Íslands og verður fyrirkomulag sölunnar áskrifatverðlagning. Einng kemur fram í tilkynningu bankans að bankinn muni leggja til að um helmingi þeirra hluta í Exista sem bankinn átti, verði úthlutað til hluthafa Kaupþings banka í formi auka arðgreiðslu.