Fluttur á slysadeild með lausar framtennur

Flytja þurfti mann á slysadeild eftir að nokkrar framtennur hans losnuðu í slagsmálum á skemmtistað í miðborginni í nótt. Nokkur ölvun var í miðbænum og þurfti lögreglan að hafa afskipti nokkrum.

Mjög ölvaður maður var fluttur á slysadeild eftir að hafa dottið á kant við Hallgrímskirkju í nótt og fengið skurð bæði á enni og auga. Lögreglan var síðan kölluð í Ingólfsstræti eftir átök. Þar fékk maður glas í hausinn. Sá sem kastaði því reyndist hins vegar vera ágætis vinur þess sem fékk það í hausinn og vildi hann því gera sem minnst úr málinu þegar lögreglan kom á svæðið.