Á ekki þátt í auglýsingu um "meðferð " við samkynhneigð

Auglýsingin birtist á laugardaginn sem er baráttudagur Samkynhneigðra og var samkynhneigðum boðin meðferð til að losna úr viðjum kynhneigðar sinnar. Auglýsingin var frá samvinnuhópi kristinna trúfélaga en í þeim hópi eru Hvítasunnukirkjan, Krossinn, Vegurinn og Betanía.

Steinunn Arnþrúður Björnsdóttir, verkefnisstjóri upplýsingamála Þjóðkirkjunnar, segir kirkjuna hafa átt undanfarið ár samstarf við samtök samkynhneiðgra og aðstandendur þeirra. Auðvitað séu ólíkar skoðanir í jafn stóru trúfélagi og Þjóðkirkjan er. En frá árinu 1998 hafi samkynhneigðir fengið samvist sína blessaða í kirkjum.