Innlent

Landlæknir segir ekki hægt að lækna samkynhneigð

Landlæknir varar við námskeiðum eins og þeim sem um er getið í auglýsingu frá Samvinnuhópi kristinna trúfélaga, þar sem boðið er upp á meðferð gegn samkynhneigð. Þá þurfi ekki að lækna samkynhneigð, því hún sé ekki sjúkdómur.

Á baráttudegi samkynhneigðra, á laugardag, birtist auglýsing frá samvinnuhópi kristinna trúfélaga þar sem boðin var meðferð gegn samkynhneigð. Kom mörgum á óvart að sjá svona nokkuð árið 2006 og segist Landlæknir hafa verið einn þeirra.

Sigurður Guðmundsson landlæknir segir rannsóknir hafa sýnt að ekki sé hægt að breyta samkynhneigð með meðferðum eða öðru. Ljóst sé að samkynhneigð hafi fylgt mannkyninu frá örófi alda og hún þekkist líka í dýraríkinu.

Fréttir Innlent

Mest lesið


Fleiri fréttir

Sjá meira


×

Mest lesið