Umferðarslys á Vestfjörðum um helgina

Tvö umferðarslys urðu í umdæmi lögreglunnar á Ísafirði um helgina. Árekstur varð í Mjóafirði, á laugardaginn síðastliðinn, þegar tvær bifreiðar sem komu úr gagnstæðum áttum rákust saman. Enginn slasaðist en ökutækin eru óökufær. Aðfaranótt sunnudags var lögreglunni á Ísafirði svo tilkynnt um bifreið sem hafði oltið og var gjörónýt utanvegar. Engann var að finna á vettvangi og var því björgunarsveitin á Þingeyri kölluð út. Ökumaður bílsins fannst svo seinna um nóttina lítið slasaður en áberandi ölvaður. Hann var fluttur á sjúkrahúsið á Ísafirði en var útskrifaður stuttu seinna.