Ölvun á Ljósanótt

Erill var hjá lögreglunni í Reykjanesbæ á Ljósanótt vegna ölvunar. Nokkuð var um pústra og voru tvær líkamsárásir tilkynntar.

Erill var hjá lögreglunni í Reykjanesbæ á Ljósanótt vegna ölvunar. Nokkuð var um pústra og voru tvær líkamsárásir tilkynntar. Talsvert var af áfengi tekið af ungu fólki sem ekki hafa aldur til neyslu þess og voru um tuttu unglingar færðir í athvarf sem lögregla var með vegna útivistarbrota og voru foreldrar fengin til að sækja börn sín. Þá voru þrír handteknir vegna tveggja fíkniefnamála. Lagt var hald á um tíu grömm af amfetamíni og lítilræði af tóbaksblönduðu hassi.