Einstakt mál hérlendis

Mál sextán ára pilts sem segist hafa leitað sér fórnarlambs á netinu til að ráða af dögum, er algerlega einstakt hérlendis. Hæstiréttur staðfesti gæsluvarðhald yfir piltinum í gær, fyrir að hafa stungið 25 ára mann í bakið með hnífi.

Pilturinn ber að hann hafi langað til að drepa mann og því hafi hann lagt til þessa netkunningja síns með hnífi þegar hann fékk tækifæri til.

Þekkt er að eldri einstaklingar reyni að tæla til sín ungmenni í gegnum netið, þá yfirleitt í kynferðislegum tilgangi, en lögreglunni er ekki kunnugt um nokkurt annað mál af þessu tagi.

Sá sem stunginn var komst sjálfur á slysadeild og er á batavegi.