Vanskil af útlánum ekki minni í fimm ár

Vanskil af útlánum bankanna hafa ekki verið minni í fimm ár eftir því sem fram kemur í nýjum tölum Fjármálaeftirlitsins. Hlutfall vanskila af útlánum var 0,6 prósent á öðrum ársfjórðungi þessa árs sem er það sama ársfjórðungana tvo þar á undan. Þar var hins vegar 1,1 prósent á sama tíma fyrir ári. Bent er á á vef Fjármálaeftirlitsins að hin aukna þátttaka bankanna á húsnæðislánamarkaði sem hófst fyrir um tveimur árum hafi hugsanlega haft áhrif á vanskil en þar segir einnig að vöxtur útlána á undanförnum árum kunni að koma fram í auknum vanskilum síðar.