Olli slysi með ofsaakstri í Ártúnsbrekkunni

Hvítri sportbifreið var ekið aftan á jeppling í Ártúnsbrekku í Reykjavík um klukkan hálf sex síðdegis. Samkævmt upplýsingum frá lögreglu var sportbifreiðinni ekið vestur Vesturlandsveg í brekkunni við Esso á ofsahraða í mikilli umferð. Jepplingurinn kastaðist út af akbrautinni hægra megin.

Beita þurfti klippum til að ná ökumannai jepplingsins út úr bifreiðinni en ekki er vitað um meiðsl samkvæmt tilkynningu frá lögreglu. Þrennt var í sportbílnum og er heldur ekki vitað hvort nokkur þeirra slasaðist. Að sögn lögreglu þykir mildi að fleiri lentu ekki í slysinu. Ártúnsbrekkan var lokuð til vesturs frá Höfðabakka í um það bil klukkustund vegna slyssins.