Tíu sigrar í röð hjá Inter

Ítalíumeistarar Inter Milan unnu í gærkvöld sinn tíunda sigur í ítölsku A-deildinni þegar liðið skellti Lazio á útivelli 2-0 þrátt fyrir að vera manni færri frá miðjum fyrri hálfleik eftir að Zlatan Ibrahimovic var vikið af velli. Esteban Cambiasso og Marco Materazzi skoruðu mörk Inter í gær.

Roma er í öðru sæti eftir 2-1 sigur á Torino og Palermo er í þrðja sætinu, 11 stigum á eftir Inter, eftir 4-0 sigur á Ascoli. Kaka skoraði tvívegis þegar AC Milan lagði Catania 3-0 á San Siro.