Grín að stórmyndum

Fjórir munaðarleysingjar sem allir eiga það sameiginlegt að hafa komist í hann krappan fara í heimsókn til súkkulaðiframleiðandans Willy. Þar komast þau á snoðir um dularfullar dyr sem flytja þau til Gnarníu en þar hefur hinn illa hvíta tík lagt álög á íbúa héraðsins. Fjórmenningarnir taka því höndum saman og berjast gegn henni.

Síðan kvikmyndir á borð við Airplane komu fram á sjónarsviðið hefur það tíðkast að gera grín að vinsælustu myndunum hverju sinni. Epic Movie er enn ein viðbótin við þetta form og þótt mörgum þyki þetta heldur þunnur þrettándi þá njóta þær töluverðra vinsælda hjá yngri kynslóðinni.