Hræ Lúkasar ófundið: Rannsókn í fullum gangi

Rannsókn á drápinu á hundinum Lúkasi er enn í gangi samkvæmt upplýsingum lögreglunnar á Akureyri. Allir fletir málsins eru til athugunar og meðal annars sá möguleiki að atburðarásin, að hópur unglingspilta hafi rænt Lúkasi og murkað úr honum lífið, sé uppspuni frá rótum.

Samkvæmt upplýsingum lögreglu er hræ Lúkasar enn ófundið. Ekki hefur heldur tekist að sanna hvort piltur, sem sætt hefur hótunum vegna hugsanlegrar aðildar sinnar að málinu, hafi verið í bænum á þeim tíma sem drápið er talið hafa átt sér stað. Lögregla væntir þess að rannsókn ljúki innan tveggja vikna.