Lúkasarmálið
Að verja sig á samfélagsmiðlum „eins og að kasta sprengju inn í hænsnabú“
Framkvæmdastjóri hefur áhyggjur af umræðum um fyrirtæki á samfélagsmiðlum, sem hann segir afar skautaðar. Erfitt geti reynst fyrir þá sem að baki fyrirtækjunum standa að bera hönd yfir höfuð sér þegar umræðan er komin á skrið.
Hvað hefði gerst ef hundurinn Lúkas hefði ekki fundist?
Í sumar verða sextán ár liðin síðan kínverskur smáhundur hvarf frá heimili sínu á Akureyri. Lygasaga um misþyrmingu á hundinum varð til þess að kertavökur voru haldnar, lögregla kafaði eftir honum og ungum karlmanni var hótað og dæmdur af dómstól götunnar. Ómögulegt er að segja hver staða karlmannsins væri í dag ef ekki hefði verið fyrir þá staðreynd að hundurinn fannst sprelllifandi.
Opinber smánun þótti ómanneskjulegt refsiúrræði en viðgengst daglega á samfélagsmiðlum
Hafsteinn Þór Hauksson, dósent við lagaðideild Háskóla Íslands, segir mikilvægt að fólk sem vilji búa í réttarríki taki ekki þátt í að smána fólk opinberlega á samfélagsmiðlum fyrir mistök sín.
Hundurinn Lúkas snýr aftur
Leikfélagið Norðurbandalagið mun á föstudaginn frumsýna leikrit sem byggt er á stóra Lúkasarmálinu. Verkið verður frumsýnt í Rýminu á Akureyri á föstudaginn.
Saga af barnaníðingi á Akureyri virðist uppspuni frá rótum
Nokkrir vefmiðlar greindu frá því í gær að á Akureyri hefðist nú við þekktur barnaníðingur. Viðvaranir þessa efnis hófust á vefnum og vöktu athygli enda var fullyrt að viðkomandi hefði meðal annars sést við skóla í bænum. Að sögn lögreglunnar á Akureyri virðist sagan hinsvegar vera uppspuni frá rótum.
Drapst eftir veikindi: Lúkas er allur
Hundurinn Lúkas, frægasta gæludýr Íslandssögunnar, drapst á sunnudaginn eftir stutt veikindi.
Lúkas lifir í dómsölum - þurfti að endurflytja málið
Fyrsta dómsuppsaga í meiðyrðamáli, sem Helgi Rafn Brynjarsson hefur höfðað, verður á næsta fimmtudag. Lúkasarmálið er eitt undarlegasta fréttamál sem upp hefur komið á síðari árum. Það snérist um hundinn Lúkas sem hvarf sumarið 2007 en af einhverjum ástæðum bitu nokkrir bloggarar það í sig að Helgi Rafn ætti einhvern hlut að máli.
Lúkasarmálið lifir enn - vill skaðabætur
Lúkasarmálinu svokallaða er langt frá því að vera lokið. Maður sem grunaður var um að hafa orðið hundinum Lúkasi að bana og mátti þola ofsóknir í kjölfarið ætlar að freista þess að sækja skaðabætur frá þeim sem gengu hvað lengst.
Undirbúa stefnu í Lúkasarmáli
Ekki eru öll kurl komin til grafar í Lúkasar-málinu svonefnda, sem kom upp á Akureyri fyrir tveimur árum þegar Helgi Rafn Brynjarsson var ranglega sakaður um að drepa hundinn Lúkas.
Lúkasarmálið látið mæta afgangi
Lúkasarmálið svokallaða er enn til rannsóknar á hjá Sýslumanninum á Akureyri. Lögmaður Helga Rafns Brynjarssonar, sem varð fyrir aðkasti á Netinu í kjölfarið á því að hann var grunaður um að hafa drepið hundinn Lúkas á Akureyri, lagði fram kæru gegn hundrað manns. Fulltrúi sýslumanns á Akureyri segir að málið sé ekki í forgangi . Að stórum hluta er um að ræða ærumeiðingar sem ekkert erindi eiga inn á borð til sýslumanns að hans sögn. Lögmaður Helga sagðist í samtali við Vísi vera undrandi á því hve langan tíma málið hafi tekið.
Lúkasarmálið þvælist á milli sýslumanna
Lögreglan á höfuðborgarsvæðinu sendi málshöfðun Helga Rafns Brynjarssonar á hendur hundrað manns til sýslumannsins á Akureyri í ágúst. Sýslumaður efast um að málið eigi heima fyrir norðan. Vettvangur brotanna var internetið.
Stóra Lúkasarmálið týnt í kerfinu
Öll gögn í Lúkasarmálinu eru týnd að því er virðist. Hvorki lögreglan á Akureyri né lögreglan á höfuðborgarsvæðinu kannast við að málið sé á þeirra borðum. Erlendur Þór Gunnarsson, lögfræðingur Helga Rafns Brynjarssonar, sagði í samtali við Vísi í dag að lögreglan á höfuðborgarsvæðinu hefði rannsakað málið í sumar. Síðan hefði verið tekin sú ákvörðun að fela það lögreglunni á Akureyri.
70 kærðir fyrir ærumeiðingar í tengslum við Lúkasarmálið
Lögmaður Helga Rafns Brynjarssonar, sem dómstóll götunnar sakaði um að hafa drepið hundinn Lúkas á Akureyri, hefur kært sjötíu manns, sem höfðu í hótunum og særðu æru hans, á netinu.
Hundrað hafa verið kærðir
„Það voru alls hundrað manns kærðir fyrir vel á annað hundrað færslur á internetinu,“ segir Erlendur Þór Gunnarsson, lögmaður Helga Rafns Brynjarssonar, sem áður var sakaður um grimmilegt hundsdráp.
Lúkas kominn í leitirnar
Lúkas gekk í gildru í Fálkafelli í gærmorgun og virðist við góða heilsu. Hann var aldrei í Hlíðarfjalli, eins og haldið var. "Yndislegur endir á ljótu máli,“ segir Klara Sólrún Hjartardóttir, sem fór hátt í þrjátíu ferðir að leita hans. Sýslumaður skoðar málið.
Lúkas lifir ekki veturinn af
„Svona hundur lifir ekki veturinn af nema hann sé innandyra,“ segir Björn Styrmir Árnason hundaatferlisráðgjafi.
Ekki sannfærður um að Lúkas sé á lífi
Ekki eru allir sannfærðir um að hundurinn Lúkas sé enn á lífi þrátt fyrir sögusagnir þess efnis. Hilmar Trausti Harðarson, einn þeirra sem leitað hefur að Lúkasi undanfarna daga, segist efast um að það hafi verið Lúkas sem sást til ofan við Akureyri á mánudaginn. Hann segist ekki hafa hótað meintum banamanni Lúkasar barsmíðum.
Búnir að hafa alla að fífli
„Dóttir mín er búin að gráta sig í svefn kvöld eftir kvöld og hvers vegna?“ spyr Kristjana Margrét Svansdóttir, eigandi hundsins Lúkasar.
Eigandi Lúkasar ánægður og ringlaður yfir óvæntri upprisu hundsins
Hundurinn Lúkas er á lífi. Hann hefur nú verið týndur í tvo mánuði og var sú saga komin á kreik að tveir drengir hefðu sett hann í íþróttatösku og sparkað honum á milli sín þangað til hann drapst á Akureyri. Lögreglurannsókn var í fullum gangi þegar tíðindin bárust. Eigandi Lúkasar segist ánægður en einnig ringlaður.
Hræ Lúkasar ófundið: Rannsókn í fullum gangi
Rannsókn á drápinu á hundinum Lúkasi er enn í gangi samkvæmt upplýsingum lögreglunnar á Akureyri. Allir fletir málsins eru til athugunar og meðal annars sá möguleiki að atburðarásin, að hópur unglingspilta hafi rænt Lúkasi og murkað úr honum lífið, sé uppspuni frá rótum.
Á annan tug tilkynninga vegna vanrækslu og slæmrar meðferðar á dýrum
Á annan tug tilkynninga berast Bændasamtökunum á ári hverju vegna verulegrar vanrækslu á húsdýrum hér á landi. Dæmi eru um að dýrin séu vannærð svo dögum skipti og séu hýst í lélegum og illa þrifnum húsum. Flestar tilkynningar berast vegna vanrækslu á hrossum og sauðfé.
Minningarathafnir um hundinn Lúkas
Minningarathafnir um hundinn Lúkas voru haldnar bæði í Reykjavík og á Akureyri í gærkvöldi. Grunur leikur á að hópur unglingspilta hafi rænt hundinum og murkað úr honum lífið.
Fjölmennar kertavökur til minningar um Lúkas
Milli hundrað og fimmtíu og tvö hundruð manns komu saman á Geirsnefi í Reykjavík klukkan átta í gærkvöldi þar sem haldin var kertavaka til að minnast hundsins Lúkasar sem drepinn var á hrottalegan hátt á Akureyri á dögunum. Um hundrað manns hittust hjá Blómavali og Húsasmiðjunni á Akureyri og var eigandi Lúkasar, Kristjana Margrét Svansdóttir, þar á meðal.
Hrottaleg misþyrming á hundi kærð
Eigandi hunds hefur kært hrottalega meðferð á honum, sem leiddi hann til bana, til lögreglunnar á Akureyri. Grunur leikur á að honum hafi verið sparkað fram og tilbaka í íþróttatösku. Hótanabréf send á einn af meintum gerendum.
Fjöldi manns á minningarvöku um Lúkas
Yfir hundrað manns komu saman á Geirsnefi í Reykjavík þar sem haldin var kertavaka til að minnast hundsins Lúkasar sem drepinn var á hrottalegan hátt á Akureyri á dögunum. Ungir piltar settu hundinn sem hafði villst frá eiganda sínum ofan í íþróttatösku og spörkuðu henni á milli sín þar til hann var allur.
Lúkasar minnst með kertavökum í kvöld
Kertavaka til minningar um hund sem var drepinn með hrottalegum hætti á Akureyri á dögunum verður haldin í Reykjavík, Akureyri og á Vopnafirði í kvöld. Miklar umræður hafa spunnist á Netinu vegna málsins en þar er því haldið fram að ungir drengir hafi sett hundinn ofan í íþróttatösku og sparkað töskunni á milli sín þar til hann var allur.
