Alfreð tilkynnir landsliðshópinn

Enginn leikmaður datt úr landsliðshóp Alfreðs Gíslasonar sem fer til Þýskalands og tekur þátt í Heimsmeistaramótinu í handbolta. Alfreð kaus að fara með 17 leikmenn á mótið en aðeins 16 þeirra mega taka þátt í undanriðlinum.

Áður höfðu Björgvin Páll Gústavsson og Sigfús Páll Sigfússon dottið úr upprunalegum æfingahópi Alfreðs og töldu flestir að annaðhvort Markús Máni Michaelsson eða Ragnar Óskarsson þyrfti að taka pokann sinn í dag. Alfreð kaus hins vegar að taka Markús Mána með sem 17. mann en hann má ekki spila með liðinu í undanriðlinum. Alfreð getur hins vegar tekið hann inn í hópinn í milliriðlunum, kjósi hann svo, en þá yrði það að vera á kostnað einhvers annars leikmanns.

Íslendingar hefja leik á HM á laugardag þegar liðið spilar gegn Ástralíu.

Landsliðshópur Íslands á HM er annars þannig skipaður:

Birkir Ívar Guðmundsson

Roland Valur Eradze

Hreiðar Guðmundsson

Guðjón Valur Sigurðsson

Logi Geirsson

Arnór Atlason

Snorri Steinn Guðjónsson

Ragnar Óskarsson

Róbert Gunnarsson

Sigfús Sigurðssoon

Vignir Svavarsson

Ólafur Stefánsson

Ásgeir Örn Hallgrímsson

Alexander Petersson

Einar Örn Jónsson

Sverre Jakobsson

Markús Máni Michaelsson