Dæmdir fyrir pyntingar á Serbum

Hæstiréttur Króatíu hefur staðfest fangelsisdóma yfir átta fyrrverandi herlögreglumönnum fyrir að pynta og myrða serbneska fanga í stríðinu árið 1992. Fórnarlömb þeirra voru bæði serbneskir hermenn og almennir borgarar. Mennirnir fengu sex til átta ára fangelsisdóma.

Herlögreglumennirnir neituðu allri sekt og voru sýknaðir fyrir héraðsdómi. Hæstiréttur ógilti þann úrskurð og fyrirskipaði ný réttarhöld fyrir sama dómi. Þar voru þeir sakfelldir og hæstiréttur hefur nú staðfest þann dóm.