Frábær frammistaða íslenska kvennalandsliðsins

Íslenska kvennalandsliðið í knattspyrnu vann glæstan sigur á heimamönnum í Portúgal í Algarve-bikarnum í dag, 5-1. Hólmfríður Magnúsdóttir átti stórleik fyrir íslenska landsliðið og skoraði þrennu.

Staðan í hálfleik var 1-1, en Katrín Jónsdóttir hafði komið íslenska liðinu yfir á 6. mínútu áður en heimamenn náðu að jafna undir lok fyrri hálfleiks. Síðari hálfleikur var hins vegar eign íslenska liðsins og náði Hólmfríður að skora þrennuna á aðeins rúmum hálftíma. Fyrsta markið kom á 58. mínútu, það næsta á þeirri 78. og þriðja markið kom í viðbótartíma. Margrét Lára Viðarsdóttir fullkomnaði síðan niðurlægingu heimamanna með marki nokkrum andartökum áður en flautað var til leiksloka.