Ísraelar vara við tilslökunum

Utanríkisráðherra Ísraels hefur varað vesturlönd við því að slaka á skilyrðum sínum gagnvart nýrri þjóðstjórn Palestínumanna. Hún vill að haldið verði fast við kröfur um að þjóðstjórnin viðurkenni tilverurétt Ísraelsríkis og hafni ofbeldi. Tzipi Livni er nú í opinberri heimsókn í Kanada.

Evrópusambandið hefur fagnað því að Hamas og Fatah samtökin skyldu ná samkomulagi um þjóðstjórn á fundi sínum í Mekka, í Saudi-Arabíu. Ísraelar eru órólegir vegna þessa og óttast að slakað verði á klónni gagnvart Hamas. Samtökin hafa margsinnis lýst því yfir að þau muni ekki viðurkenna tilverurétt Ísraels.

Vegna þess, meðal annars, hættu bæði Bandaríkin og Evrópusambandið efnahagsaðstoð við heimastjórn Palestínumanna. Ísraelar