Olmert bað Pelosi ekki fyrir friðarbón

Forsætisráðherra Ísraels, Ehud Olmert, gaf frá sér yfirlýsingu í dag þar sem hann segir að hann hafi ekki falið Nancy Pelosi að færa Sýrlendingum friðarbón. Samkvæmt yfirlýsingunni sagði Olmert við Pelosi að „Þó svo Ísrael hafi áhuga á friðarsamkomulagi við Sýrland, er landið samt enn á lista yfir Öxulveldi hins illa og ýtir undir hryðjuverkaöfl í Mið-Austurlöndum."

Enn fremur var lögð áhersla á að Ísraelar hefðu ekki breytt stefnu sinni varðandi Sýrland og meintan stuðning þess við Hamas og Hisbollah. Pelosi var á ferðalagi um Mið-Austurlönd og eftir ferðalag sitt um Sýrland sagðist hún hafa borið forseta landsins friðarbón frá Ísraelum.

Bandaríkin gagnrýndu Pelosi harkalega fyrir að fara í ferðina og ræða við Sýrland en engin stjórnmálasamskipti hafa verið á milli landanna undanfarin tvö ár.