Íranar sýna ný myndbönd af sjóliðunum

Írönsk sjónvarpsstöð hefur birt myndbandsupptökur af bresku sjóliðunum sem voru í haldi, þar sem þeir sjást tefla, spila borðtennis og horfa á sjónvarpið. Stjórnvöld í Teheran segja myndbandið sýna að fullyrðingar um að sjóliðarnir hafi verið beittir harðræði haldi ekki vatni.

Sjóliðarnir fullyrtu á blaðamannafundi á föstudaginn að þeir hefðu verið beittir harðræði á meðan á dvölinni stóð. Írönsk stjórnvöld segja þetta þvætting og að blaðamannafundurinn hafi verið eitt stórt sjónarspil, skipulagt af yfirmönnum breska sjóhersins.