Fimm ár fyrir líkamsárásir og nauðganir

Hæstiréttur dæmdi í gær Jón Pétursson í fimm ára fangelsi fyrir líkamsárásir og nauðgun. Hann var sakfelldur fyrir þrjár líkamsárásir á fyrrverandi sambýliskonu sína og húsbrot þegar hann ruddist í heimildarleysi inn í húsnæði þar sem hún var stödd. Hann var jafnframt sakfelldur fyrir að hafa haldið annarri konu, sem var unnusta hans á þeim tíma, nauðugri á heimili sínu og nauðgað henni þrisvar og barið ítrekað. Þá var hann dæmdur til að greiða þeim samtals tvær milljónir króna í skaðabætur. Jón hefur setið í gæsluvarðhaldi frá því í desember, en hann er grunaður um að hafa ráðist á þriðju konuna og nauðgað henni. Hún var einnig sambýliskona hans.