Gæludýrin reykja meira

Breskt tryggingafélag hefur varað við því að milljónum gæludýra sé stefnt í hættu með reykingabanninu sem tekur gildi á veitingastöðum fyrsta júlí næstkomandi. Bannið leiði til þess að fólk reyki meira heima hjá sér í stað þess að fara á pöbbinn og fá sér kollu og smók. Gæludýrin þurfi því að þola miklu meiri óbeinar reykingar en hingaðtil.

Væntanlega kemur þetta einnig niður á milljónnum barna, en Bretum hefur nú alltaf þótt sérstaklega vænt um gæludýrin sín. Melvin Everest, talsmaður tryggingafélagsins More Than, segir sorglegt að dýrin skuli þurfa að líða fyrir reykingabannið.