Ólafur Ragnar útskrifaður af sjúkrahúsi

Ólafur Ragnar Grímsson forseti Íslands hefur verið útskrifaður eftir að hafa gengist undir fjölda rannsókna á Landsspítala - háskólasjúkrahúsi. Hann er nú kominn heim á Bessastaði og mun hvíla sig næstu daga samkvæmt læknisráði. Ekkert athugavert kom í ljós við rannsóknir að sögn Örnólfs Thorssonar forsetaritara. 

Forsetahjónin voru í Stykkishólmi á laugardag þar sem þau voru við opnun vatnasafns. Þau gistu á Hótel Búðum þar sem forsetinn fór að kenna sér meins í gærmorgun. Læknir frá Ólafsvík taldi rétt að flytja forsetann til frekari rannsókna á Landsspítalann.