Ágóði ævisögu Hannesar Hólmsteins til Mæðrastyrksnefndar

Útgáguforlagið Nýhil mun afhenda mæðrastyrksnefnd allan ágóða af sölu metsölubókarinnar Hannes - Nóttin er blá, mamma. Bókin er fyrsta bindi í ævisögu Hannesar Hólmsteins Gissurarsonar og kom út fyrir síðustu jól. Höfundur hennar er Óttar M. Norðfjörð. Ágóðinn af sölunni reyndist 300 þúsund krónur og verður afhentur við athöfn á fimmtudag.

Bókin sat í efsta sæti metsölulista Eymundssonar og varð ein mest selda bók ársins segir í yfirlýsingu frá forlaginu. Annað bindi ævisögunnar kemur út í nóvember næstkomandi og mun ágóði af sölu hennar einnig renna til Mæðrastyrksnefndar.