Árni Þór Sigmundsson settur aðstoðaryfirlögregluþjónn

Árni Þór Sigmundsson hefur verið settur aðstoðaryfirlögregluþjónn lögreglunnar á höfuðborgarsvæðinu. Árni hefur verið aðalvarðstjóri fyrir B-vakt frá árinu 2004. Áður gegndi hann ýmsum störfum á vegum lögreglunnar meðal annars í auðgunarbrotadeild, ávana- og fíkniefnadeild og almennri rannsóknardeild.

Árni hóf störf hjá lögreglunni í Reykjavík árið 1981. Hann hefur setið í ýmsum vinnu- og samstarfshópum á vegum lögreglunnar, meðal annars vegna sameiningar lögregluembættanna á höfuðborgarsvæðinu og vegna aðgerða vegn síbrotastarfsemi.