Eldur á Akureyri

Eldur kom upp í dekkjahrúgu hjá fyrirtækinu Hringrás við Krossanes á Akureyri í dag. Slökkviliðið á Akureyri náði fljótlega tökum á eldinum. Um mikla aðgerð er að ræða en starfið hefur engu að síður gengið vel. Mikill reykur er af eldinum en hann leggur ekki yfir bæinn þar sem austanátt er ríkjandi.

Ástandið hefði orðið öllu verra ef önnur vindátt hefði verið og reykurinn farið yfir bæinn. Þá hefði þurft að rýma bæinn þar sem reykurinn er olíureykur og talinn hættulegur heilsu manna. Lögreglan á Akureyri segir líklegt að um íkveikju sé að ræða.