Fjölskyldudagur Stöðvar 2 í Húsdýragarðinum

Hinn árlegi fjölskyldudagur Stöðvar 2 er haldinn hátíðlegur í Fjölskyldu- og húsdýragarðinum í dag. Garðurinn verður opinn frá 11 til 16. Skoppa og Skrítla skemmta börnunum klukkan 14:30. Það er frítt í öll leiktæki í garðinum. Þar er stærsta rennibraut landsins, risa þrautabraut, hoppukastali og fleira.

Það verða blöðrur og ískalt gos og pylsur handa allri fjölskyldunni. Það er fallegt veður í dag en dálítið svalur norðanvindur, þannig að best er fyrir börnin að vera hlýlega klædd. Í fyrra komu tæplega 20 þúsund manns á fjölskyldudaginn og skemmtu sér hið besta.