Bátur tókst á loft

Bátur tókst á loft þegar hann losnaði aftan úr jeppa sem var á leið austur Suðurlandsveg í gær. Mildi var að enginn slasaðist þegar báturinn kom aftur niður á jörðina, því þá lenti hann beint á Land Cruiser-jeppa sem var að koma úr gagnstæðri átt. 

Lögreglan á Hvolsvelli segir óhappið áminningu um að gæta þurfi fyllsta öryggis þegar tengivagnar eru aftan í bílum. Í þessu tilfelli hafi gáleysið verið ámælisvert, því báturinn hafi ekki verið tryggilega festur aftan í bíl eiganda síns.