Flóttamönnum fjölgar

Í dag er alþjóðlegur dagur flóttamanna. Á síðasta ári voru flóttamenn tæpar tíu milljónir og er talið vist að þeim fari fjölgandi í náinni framtíð. Talsmaður flóttamannahjálpar Sameinuðu þjóðanna segir ástandið mjög alvarlegt.

Í skýrslu frá Sameinuðu þjóðunum kemur fram að flóttamönnum hafi fjölgað í fyrsta sinn í fimm ár á síðasta ári. Fjölgunin nemur 14 prósentum. Ofbeldið í Írak er stór orsakaþáttur á auknum fjölda. Flestir Írakar leita til Sýrlands eða Jórdaníu.

Stærstur hluti flóttamannanna kemur frá Afghanistan, eða rúmar tvær milljónir. Á eftir írökum og Afgönum eru það súdanar, Sómalar, Kongómenn og íbúar Burundi sem skipa næstu sæti.

Ískýrslu Sameinuðu þjóðanna er þó ekki gert ráð fyrir um 4,3 milljónum palestínumanna sem falla undir Flóttamannaaðstoð Palestínumanna á vegum Sameinuðu þjóðanna. Ef þeir eru taldir með hækkar tala flóttamanna upp í rúmlega 14 milljónir.

Þá er ekki tekið tillit til 25 milljón manns sem flúið hafa heimili sín vegna átaka, en teljast ekki flóttamenn samkvæmt alþjóðalögum þar sem þeir eru landflótta í eigin landi.